Biome va Oxlint: ESLint va Prettier'ning Rust'dagi tez muqobillari

Qisqacha: Biome — linter va formatlagich bitta dasturda (biome check), Oxlint — faqat linter. Ikkalasi Rust'da yozilgan va ESLint'dan bir necha baravar tez: vazifalar da Oxlint 0.8 s, ESLint 4 s. Ammo hamma narsani qila olmaydi: bizning XSS qoidamiz (no-restricted-syntax) ikkalasiga ham ko'chmadi. Shuning uchun ko'p jamoa ularni ESLint bilan yonma-yon ishlatadi.

Bu darsda

• Biome va Oxlint nima ekanini, ESLint va Prettier'dan nimasi bilan farq qilishini tushuntira olasiz.
• biome.json ni o'qiysiz, biome check --write va biome migrate ni ishlatasiz.
• Oxlint'ni va uning turli rejimini (--type-aware) ishga tushirasiz.
• Tezlikni o'zingiz o'lchab, ko'chish qarorini sabab bilan qabul qilasiz.
• Oxlint'ni ESLint yonida ishlatish usulini bilasiz.

Oldin bilishingiz kerak: ESLint II: plaginlar, Prettier konfiguratsiyasi, Bundlerlar landshafti 2026.

1. Nega bu kerak?

O'tgan darsda bir yangilikni ko'rdingiz: Vite'ning React shabloni (create-vite 9.2.1) endi ESLint o'rniga Oxlint qo'yadi. Sardor hayron bo'ldi: "ESLint yomonmi? Biz ham o'tishimiz kerakmi?"

Javobni o'lchovdan boshlaymiz. vazifalar da npm run lint bir necha soniya ishlaydi. Bu kichik loyiha — 50 ta fayl. Katta kompaniyada esa minglab fayl bor va lint daqiqalab davom etadi. Har commitdan oldin, har PR'da. Bu vaqt to'planadi.

Muammoning ildizi — til. ESLint va Prettier JavaScript'da yozilgan va Node'da ishlaydi. Bundlerlar landshafti darsida ko'rganingizdek, asboblar dunyosi Rust va Go'ga ko'chmoqda: Rolldown, Oxc, Lightning CSS. Linter va formatlagichlar ham shu yo'lda.

Rust — tez ishlaydigan dastur yozish uchun til (C++ kabi tez, lekin xotira xatolaridan himoyalangan). Uni o'rganish shart emas: siz faqat tayyor dasturni npm orqali olasiz. Oshxonadagi pichoq kabi: qanday quyilganini bilmasdan ham ishlatasiz.

Bugun ikki asbobni ko'ramiz:

Versiyalar — 2026-10 holatiga. Oxlint — Oxc loyihasining qismi. Oxc'ni Vite 8 transpilyatsiya uchun allaqachon ishlatadi.

flowchart LR
  K["kod"] --> E["ESLint<br/>(JS, plaginlar)"]
  K --> P["Prettier<br/>(JS)"]
  K --> B["Biome<br/>(Rust):<br/>lint + format"]
  K --> O["Oxlint<br/>(Rust):<br/>lint"]
  E --> N["xatolar"]
  B --> N
  O --> N
  P --> F["formatlangan kod"]
  B --> F

Sxemaga qarang: Biome ikki ishni bir o'zi qiladi, Oxlint esa faqat ESLint'ning ishini.

2. Tezlik: o'lchaymiz

2.1 Tajriba

vazifalar nusxasiga ikkala asbobni o'rnatdik (asl loyihaga tegmaymiz):

npm i -D -E @biomejs/biome@2.5.15 oxlint@1.87.0

added 4 packages, and audited 148 packages in 14s

59 packages are looking for funding
  run `npm fund` for details

found 0 vulnerabilities

Ikkita paket nomi so'radik, to'rttasi qo'shildi. Qo'shimcha ikkitasi — Windows uchun tayyor yig'ilgan dasturlar: @biomejs/cli-win32-x64 va @oxlint/binding-win32-x64-msvc. Rust dasturi npm'da shunday tarqatiladi: har operatsion tizimga alohida paket. Bu npm buyruqlari chuqur darsidagi UNMET OPTIONAL DEPENDENCY ning o'zi.

Har buyruqni 6 marta ishga tushirdik, birinchisini tashlab, qolgan 5 tasining o'rtanchasini (medianasini) oldik. Kompyuter: Windows 11, 16 oqimli protsessor, Node 24.21.0.

Formatlash ham:

2.2 Raqamlarni to'g'ri o'qish

ESLint'dan Oxlint taxminan 5 baravar, Biome — 4 baravar tez. Prettier'dan Biome formatlagichi — 3 baravar.

Lekin uchta ehtiyot so'z bor:

• Shovqin. O'lchov paytida kompyuterda boshqa ishlar ham bor edi. Bir seriyada ESLint medianasi 4.0 s, boshqasida 7.3 s chiqdi. Shuning uchun "X marta tez" ni taxminiy deb qabul qiling.
• Ishga tushish narxi. Bo'sh Node'ning o'zi 0.26 s oladi. Biome'ning o'z hisobi: Checked 56 files in 88ms — qolgan vaqt dasturni ishga tushirishga ketadi. Kichik loyihada asbobning o'zi emas, ishga tushish ustun.
• Katta loyihada farq kattaroq. Rasmiy saytlarda "50–100 baravar" degan raqamlar bor — ular minglab faylli repolarda o'lchangan. Bizning 50 faylda bunday farq bo'lmaydi va bu normal.

Maslahat: O'zingiz o'lchang. hyperfine dasturi bo'lmasa, oddiy usul: buyruqni 5 marta ishga tushiring, birinchisini tashlang, o'rtadagisini oling. Bitta o'lchovga ishonmang.

Tekshirib ko'ring: Nega Biome "88ms" deydi, biz esa 0.9 s o'lchadik?

3. Biome

3.1 biome init va biome.json

npx biome init

Buyruq katta "BIOME" logotipi va keyingi qadamlar ro'yxatini chiqaradi (biz qisqartirdik). Asosiy natija — biome.json:

{
	"$schema": "https://biomejs.dev/schemas/2.5.15/schema.json",
	"vcs": {
		"enabled": true,
		"clientKind": "git",
		"useIgnoreFile": true
	},
	"files": {
		"ignoreUnknown": false
	},
	"formatter": {
		"enabled": true,
		"indentStyle": "tab"
	},
	"linter": {
		"enabled": true,
		"rules": {
			"preset": "recommended"
		}
	},
	"javascript": {
		"formatter": {
			"quoteStyle": "double"
		}
	},
	"assist": {
		"enabled": true,
		"actions": {
			"source": {
				"organizeImports": "on"
			}
		}
	}
}

Kalitlarni o'qiymiz:

E'tibor bering: Biome sukut bo'yicha tab bilan chekinadi, Prettier esa 2 ta bo'sh joy bilan. Sozlamasiz biome format bizning hamma faylimizni "noto'g'ri" deydi.

3.2 Biome nimani topdi

npx biome lint --reporter=summary .

Jadvalga qarang: chapda qoida nomi (guruh bilan), o'ngda nechta topilma. Oxirgi ikki qator — jami.

…
  Rule Name                                               Diagnostics
  
  lint/suspicious/useIterableCallbackReturn               1 (1 error)
  lint/style/noDescendingSpecificity                      1 (1 warning)
  lint/complexity/noImportantStyles                       3 (3 warnings)
  lint/suspicious/noImplicitAnyLet                        6 (6 errors)
  lint/a11y/useSemanticElements                           2 (2 errors)
  lint/a11y/noSvgWithoutTitle                             1 (1 error)
  lint/a11y/useButtonType                                 2 (2 errors)

Checked 56 files in 79ms. No fixes applied.
Found 12 errors.
Found 4 warnings.

Ikki yangilik bor. Birinchisi: Biome .ts dan tashqari index.html, vazifalar.css va hatto SVG ikonkani ham tekshirdi. a11y qoidalari HTML'dan "tugmada type yo'q" kabi qulaylik kamchiliklarini topdi. ESLint buni qilmaydi.

Ikkinchisi — eng ko'p xato, noImplicitAnyLet (6 ta):

src\saqlash.ts:29:7 lint/suspicious/noImplicitAnyLet ━━━━━━━━━━━━━━━━━━━━━━━━━━━━━━━━━━━━━━━━━━━━━━━

  × This variable implicitly has the any type.
  
    28 │ export function yukla(): VazifaMalumoti[] | null {
  > 29 │   let matn;
       │       ^^^^
    30 │   try {
    31 │     matn = localStorage.getItem(SAQLASH_KALITI);

"Bu o'zgaruvchi yashirin any turida". Aslida bunday emas. TypeScript let matn; ning turini keyingi qiymatlardan kuzatib boradi va matn string | null bo'ladi — tsc strict rejimda ham jim. Biome turlarni so'ramaydi: u faqat kod shaklini ko'radi va "tur yozilmagan, qiymat yo'q" degan shaklni xato deb hisoblaydi. Bu — typed linting yo'qligining narxi.

3.3 biome migrate: ESLint va Prettier sozlamasidan

Biome mavjud sozlamani o'zi ko'chira oladi:

npx biome migrate prettier --write
npx biome migrate eslint --write

ESLint ko'chishining hisoboti (boshi):

  i 123 ESLint rules found
    - 80 have been migrated to Biome's rules
    - 80% (99) of your ESLint rules are fully covered by Biome
      - 65% (80) via direct migration to Biome rules

"123 ta ESLint qoidasi topildi, 80 tasi ko'chirildi". Ko'chmaganlari ro'yxatining oxirida eng muhimi bor:

  i These rules have not yet been implemented:
  
  - no-delete-var
…
  - no-restricted-syntax
…
  - @typescript-eslint/no-unsafe-return
…
  - @typescript-eslint/restrict-template-expressions
…

no-restricted-syntax — bizning XSS qoidamiz: innerHTML = … taqiqi (13-qismdagi himoya). restrict-template-expressions esa o'tgan darsda paket.ts dagi xatoni topgan qoida. Ikkalasi ham Biome'ga ko'chmaydi. Ro'yxatni biz qisqartirdik (…) — jami 24 ta qoida.

3.4 Tuzoq: migratsiya ham xato qilishi mumkin

biome migrate prettier dan keyin biome format . 46 ta faylda farq ko'rsatdi:

      2     │ - import·type·{·ApiXatosiKodi,·VazifaMalumoti·}·from·"./turlar.ts";
          2 │ + import·type·{·ApiXatosiKodi,·VazifaMalumoti·}·from·'./turlar.ts'

- — hozirgi qator, + — Biome yozmoqchi bo'lgani. Qo'shtirnoq bittaga, nuqtali vergul esa olib tashlanmoqda! Bizning .prettierrc da faqat { "printWidth": 72 } bor, qolgani Prettier sukutlari (qo'sh qo'shtirnoq, nuqtali vergul). Biome 2.5.15 ko'chirishda yozilmagan maydonlarga "quoteStyle": "single" va "semicolons": "asNeeded" qo'ydi. Buni bo'sh papkada ham takrorladik — natija bir xil.

Qo'lda "double" va "always" ga tuzatgach, faqat 2 fayl farq qildi — uzun union turlarni Biome boshqacha bo'ladi:

     79     │ - ··"almashtir"·|·"ochir"·|·"tahrirla"·|·"saqla"·|·"bekor";
         79 │ + ··|·"almashtir"
         80 │ + ··|·"ochir"

Saboq: avtomatik ko'chirishdan keyin natijani tekshiring. biome format . (--write siz) — avval "nima o'zgaradi?" deb ko'rish.

3.5 biome check --write

Kundalik buyruq — biome check: lint, format va import tartibi bittada. --write — tuzatib ham qo'yadi. O'tgan darsdagi order.ts da:

src\order.ts:1:1 assist/source/organizeImports  FIXABLE  ━━━━━━━━━━━━━━━━━━━━━━━━━━━━━━━━━━━━━━━━━━━
src\order.ts format ━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━
Checked 1 file in 20ms. No fixes applied.
Found 2 errors.

--write bilan: Checked 1 file in 10ms. Fixed 1 file. Importlar saralandi va kod formatlandi (sukutdagi tab bilan — sozlamani unutmang).

CI uchun alohida buyruq bor — biome ci. U check bilan bir xil tekshiradi, lekin hech qachon faylga yozmaydi va CI muhitiga mos chiqish beradi. Lokalda — check --write, CI'da — ci. Bu Prettier dagi --write va --check juftiga o'xshaydi.

3.6 biome-ignore: sabab majburiy

O'tgan darsdagi eslint-disable ning Biome'dagi o'rinbosari — biome-ignore izohi. Farqi bitta, lekin muhim: sababni yozish majburiy. Sinov fayli:

export function check(x: string): void {
  // biome-ignore lint/suspicious/noDebugger: vaqtinchalik sinov
  debugger;
  // biome-ignore lint/suspicious/noDebugger
  debugger;
  console.log(x);
}

Birinchi izoh ishladi. Ikkinchisiga Biome:

a.ts:4:19 suppressions/parse ━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━━

  × Unexpected token, expected one of ':', '(' or whitespace
…
  i A colon is required after the category.
  
  i Example of suppression: // biome-ignore lint: reason

"Qoida nomidan keyin ikki nuqta kerak" — ya'ni : sabab. Sababsiz izoh xato hisoblanadi va debugger ham xato bo'lib qoladi. ESLint'da sabab ixtiyoriy (-- sabab), Biome'da esa majburiy. Kod sharhida "nega o'chirdingiz?" savoli tug'ilmaydi.

Biome qoida nomlari camelCase va guruhga bo'lingan: correctness (aniq xato), suspicious (shubhali), style, complexity, a11y, performance, security. Guruh nomi qoidaning "og'irligini" bildiradi.

Tekshirib ko'ring: Jamoa Biome'ga o'tdi va npm run lint dagi eslint . ni biome check . ga almashtirdi. .prettierrc va eslint.config.js ni o'chirsa bo'ladimi?

4. Oxlint

4.1 Sozlamasiz ishga tushirish

npx oxlint

vazifalar da buyruq jim tugaydi (chiqish yo'q, chiqish kodi 0) — bu muvaffaqiyat belgisi. Necha fayl va qoida tekshirilganini JSON format ko'rsatadi:

npx oxlint -f json

{ "diagnostics": [],
              "number_of_files": 50,
              "number_of_rules": 96,
              "threads_count": 16,
              "start_time": 0.0350785
            }

50 ta fayl, 96 ta qoida, 16 oqim — Oxlint fayllarni parallel tekshiradi. Sozlamasiz u faqat correctness (aniq xatolar) toifasini yoqadi.

4.2 Tuzoq: .gitignore siz

Oxlint ham .gitignore ga qaraydi. O'tgan darsdagi mashq loyihasida .gitignore yo'q edi — Oxlint node_modules ni ham tekshirdi:

node_modules/path-exists/index.js:11:11: warning eslint(no-unused-vars): Catch parameter '_' is caught but never used. help: Consider handling this error.
node_modules/@types/node/vm.d.ts:152:29: warning typescript(no-wrapper-object-types): Do not use wrapper object types. help: Replace `Object` with `object`.
…

3 250 qator begona ogohlantirish. Bitta qator — node_modules/ — yozilgan .gitignore qo'shilgach, chiqish bo'sh. Har yangi loyihaning birinchi fayllaridan biri .gitignore bo'lishining yana bir sababi (.gitignore).

4.3 --type-aware: TypeScript 7 bilan turli lint

Oxlint'ning eng qiziq imkoniyati — turli qoidalar. Ular uchun alohida paket kerak:

npm i -D -E oxlint-tsgolint@7.0.2004
npx oxlint --type-aware

oxlint-tsgolint ning tavsifi: "typescript-go asosidagi turli TypeScript linter". typescript-go — 15-qismdagi TypeScript 7 (tsgo). Ya'ni typescript-eslint TS 6 API'sini kutib turgan paytda, Oxlint turlarni TypeScript 7 dan oladi. Mashq loyihasida:

src/order.ts:10:23: warning typescript(restrict-template-expressions): Invalid type used in template literal expression.
src/order.ts:14:23: warning typescript(await-thenable): Unexpected `await` of a non-Promise (non-"Thenable") value. help: Remove `await` if the value is synchronous, or change the expression to return a Promise or Thenable before awaiting it.
src/order.ts:15:3: warning typescript(no-floating-promises): Promises must be awaited, add void operator to ignore. help: The promise must end with a call to .catch, or end with a call to .then with a rejection handler, or be explicitly marked as ignored with the `void` operator.

ESLint topgan uchta turli xatoning uchalasi! Faqat ular warning — chiqish kodi 0. vazifalar da esa --type-aware paket.ts:130:18 dagi xatoni ham topdi va tekshiruv/ papkasida yana beshta joyni ko'rsatdi. Bizning ESLint sozlamamiz turli qoidalarni faqat src/ ga qo'llaydi, Oxlint esa hamma faylga. Vaqti — 0.94 s.

Diqqat: Oxlint ogohlantirishda chiqish kodi 0 beradi. CI'da to'xtatish uchun --deny-warnings bayrog'i yoki .oxlintrc.json da qoidaga "error" darajasi kerak. Aks holda CI "yashil" bo'lib qolaveradi.

4.4 @oxlint/migrate va XSS sinovi

ESLint sozlamasidan .oxlintrc.json yasaydigan rasmiy vosita bor:

npx @oxlint/migrate@1.87.0

U 100 dan ortiq qoidali .oxlintrc.json yozdi va 8 ta ogohlantirish berdi (ichma-ich files naqshlari qo'llanmaydi). Endi asosiy sinov — XSS qoidasi ishlaydimi? Vaqtinchalik faylga atayin xavfli qator yozdik:

document.body.innerHTML = location.hash;

ESLint:

  1:1  error  XSS: innerHTML/outerHTML o'rniga textContent yoki createElement  no-restricted-syntax

✖ 1 problem (1 error, 0 warnings)

Oxlint — jim, chiqish kodi 0. Biome — jim. no-restricted-syntax ESLint'ning maxsus qoidasi: u kodni AST selektori bilan qidiradi (AssignmentExpression > MemberExpression…). Biome'da u hali yo'q, Oxlint'ga esa ko'chmadi. Bu — eng xavfli holat: tekshiruv bor, lekin u hech narsa topmaydi.

5. Yonma-yon ishlatish

5.1 G'oya

Ko'p jamoa tanlov qilmaydi — ikkalasini birga ishlatadi:

1. Oxlint birinchi — tez, oddiy xatolarni bir soniyada topadi.
2. ESLint keyin — faqat Oxlint'da yo'q qoidalar: turli to'plamlar, maxsus selektorlar, kam uchraydigan plaginlar.

Ikkalasi bitta xatoni ikki marta aytmasligi uchun eslint-plugin-oxlint (1.87.0) bor. U ESLint'da Oxlint qamraydigan qoidalarni o'chiradi. Uning flat/recommended to'plami 249 ta qoidani o'chiradi. Sozlamaning oxiriga qo'shiladi:

import oxlint from "eslint-plugin-oxlint";

export default defineConfig([
  // ... avvalgi bloklar
  // Oxlint qiladigan ishni ESLint qilmasin — oxirida
  ...oxlint.configs["flat/recommended"],
]);

package.json da: "lint": "oxlint && eslint .". Oxlint xato topsa, && zanjirni to'xtatadi va sekin ESLint ishga tushmaydi (scripts chuqur).

5.2 Qachon nima

5.3 vazifalar qarori

vazifalar ESLint va Prettier'da qoladi. Sabablar o'lchovdan:

• XSS qoidasi (no-restricted-syntax) — Biome'da ham, Oxlint'da ham yo'q.
• Biome'ning noImplicitAnyLet — turlarni bilmagani uchun 6 ta noto'g'ri xato.
• Tezlik farqi — 3 soniya. 50 faylli loyihada bu muammo emas.

Bu dars vazifalar ni o'zgartirmaydi. Loyiha o'ssa yoki Oxlint XSS qoidasini qo'llay boshlasa — qaror qayta ko'riladi.

Tekshirib ko'ring: "lint": "oxlint && eslint ." o'rniga "lint": "eslint . && oxlint" yozilsa, nima o'zgaradi?

6. Ko'p uchraydigan xatolar

Yana biri — eng xavflisi: ko'chishdan keyin qoida jim yo'qolishi. biome migrate va @oxlint/migrate hisobotidagi "not implemented" ro'yxatini doim o'qing va muhim qoidalarni vaqtinchalik xatoli fayl bilan sinang.

7. Mashqlar

Mashqlar o'tgan darsdagi kurs/mashqlar/16/38-eslint-plaginlar/ loyihasining boshlang'ich nusxasida (4 ta xatoli order.ts). Uni kurs/mashqlar/16/39-biome-oxlint/ ga nusxalang va npm ci, so'ng npm i -D -E oxlint@1.87.0 oxlint-tsgolint@7.0.2004 @biomejs/biome@2.5.15.

1-mashq (oson): .gitignore tuzog'i

1. .gitignore siz npx oxlint | wc -l — nechta qator? (wc -l — qatorlarni sanaydi.)
2. node_modules/ yozilgan .gitignore qo'shib, takrorlang.

2-mashq (o'rta): turli rejim

npx oxlint --type-aware ni ishga tushiring. ESLint topgan 4 xatodan qaysilari chiqdi, qaysisi yo'q va nega?

npx oxlint --type-aware

src/order.ts:10:23: warning typescript(restrict-template-expressions): Invalid type used in template literal expression.
src/order.ts:14:23: warning typescript(await-thenable): Unexpected `await` of a non-Promise (non-"Thenable") value. help: Remove `await` if the value is synchronous, or change the expression to return a Promise or Thenable before awaiting it.
src/order.ts:15:3: warning typescript(no-floating-promises): Promises must be awaited, add void operator to ignore. help: The promise must end with a call to .catch, or end with a call to .then with a rejection handler, or be explicitly marked as ignored with the `void` operator.

3-mashq (o'rta): biome check --write

git init, npx biome init, keyin npx biome check src/order.ts va npx biome check --write src/order.ts. Nechta xato bor edi va --write nimani o'zgartirdi? Faylning chekinishi qanday bo'ldi?

4-mashq (qiyin): XSS qoidasi uch asbobda

eslint.config.js dagi rules ga qo'shing:

"no-restricted-syntax": ["error", {
  selector:
    "AssignmentExpression > " +
    "MemberExpression.left[property.name='innerHTML']",
  message: "XSS: textContent ishlating.",
}],

src/show.ts:

export function show(text: string): void {
  document.body.innerHTML = text;
}

Uch asbobni ishga tushiring: npx eslint src/show.ts, npx oxlint src/show.ts, npx biome lint src/show.ts. Qaysi biri ushladi? Bu mashqdan qanday qoida chiqadi?

D:\kurs\mashqlar\16\39-biome-oxlint\src\show.ts
  2:3  error  XSS: textContent ishlating  no-restricted-syntax

✖ 1 problem (1 error, 0 warnings)

8. Real ishda

• Vite React shabloni — Oxlint; Next.js shabloni — ESLint 9. 17- va 23-qismlarda ikkalasini ham uchratamiz.
• Katta repolarda Oxlint + ESLint yonma-yon keng tarqalgan: lint vaqti daqiqalardan soniyalarga tushadi, ESLint esa faqat qolgan qoidalarni bajaradi.
• Biome — yangi loyihalarda ommalashmoqda: bitta biome.json, bitta buyruq, bitta muharrir kengaytmasi.
• Intervyu: "Biome va ESLint farqi?", "Rust asboblari nimani qila olmaydi?", "lint'ni qanday tezlashtirasiz?" — o'lchov bilan javob bersangiz, alohida ajralib turasiz.

Xulosa

• Biome — lint + format + import tartibi (biome check --write); Oxlint — faqat lint; ikkalasi Rust'da.
• vazifalar da: Oxlint 0.77 s, Biome 0.90 s, ESLint 4.0 s (mediana); formatlash: Biome 0.94 s, Prettier 2.68 s. Kichik loyihada ishga tushish narxi ustun.
• Biome turlarni bilmaydi (noImplicitAnyLet — noto'g'ri xato); Oxlint --type-aware (tsgolint, TypeScript 7) turli xatolarni topadi, lekin warning bilan.
• biome migrate va @oxlint/migrate — tez boshlanish, lekin natijani tekshiring: qo'shtirnoq almashdi, XSS qoidasi jim yo'qoldi.
• Yonma-yon: oxlint && eslint . + eslint-plugin-oxlint.

Keyingi dars: Conventional Commits va commitlint — commit xabarlarini mashina o'qiy oladigan shaklda yozish va buni commitlint bilan tekshirish; nega bizda subject-case qoidasi o'chirilgan.

Manbalar

• Biome: Getting started, Migrate from ESLint and Prettier, Configuration
• Oxc: Oxlint, Type-aware linting, Migrate from ESLint
• npm: eslint-plugin-oxlint, oxlint-tsgolint